രാജപുരം:ബിജെപി പനത്തടി പഞ്ചായത്ത് കമ്മിറ്റി ഓഫീസ് ഉദ്ഘാടനം ചെയ്തു. ബളാംതോട് -ബി.ജെ.പി പനത്തടി പഞ്ചായത്ത് കമ്മറ്റി ഓഫീസ് ബളാംതോട് കുറ്റിപ്പുറത്ത് ബില്‍ഡിംഗില്‍ കാഞ്ഞങ്ങാട് നിയോജക മണ്ഡലം പ്രസിഡന്റ് എന്‍ മധു ഉദ്ഘാടനം ചെയ്തു.പഞ്ചായത്ത് കമ്മറ്റി പ്രസിഡന്റ് ടിആര്‍ രാജന്‍ അധ്യക്ഷത വഹിച്ചു.ചടങ്ങില്‍ ഇക്കഴിഞ്ഞ എസ് എസ് എല്‍ സി, പ്ലസ് ടു പരീക്ഷകളില്‍ മികച്ച വിജയം നേടിയ അരുണ്‍ എസ് നായര്‍, അഖില്‍ എസ് നായര്‍ എന്നീ വിദ്യാര്‍ത്ഥികളെ കര്‍ഷകമോര്‍ച്ച ജില്ലാ പ്രസിഡന്റ് ബളാല്‍ കുഞ്ഞിക്കണ്ണനും, ചിത്രരചനയിലെ യുവപ്രതിഭയായ വൈഷ്ണവ് എം.എസ് നെ നിയോജക മണ്ഡലം ജനറല്‍ സെക്രട്ടറി കെ.കെ വേണുഗോപാലും ആദരിച്ചു.ബി.ജെ.പി ജില്ലാ കമ്മറ്റിയംഗം പി രാമചന്ദ്ര സറളായ, നിയോജക മണ്ഡലം വൈസ് പ്രസിഡന്റുമാരായ ഒ ജയറാം മാസ്റ്റര്‍, സി ബാലകൃഷ്ണന്‍ നായര്‍, വനവാസി വികാസ കേന്ദ്രം ജില്ലാ സംഘടനാ സെക്രട്ടറി എം. ഷിബു, സേവാഭാരതി പഞ്ചായത്ത് പ്രസിഡന്റ് ആര്‍ പ്രേംകുമാര്‍, ബി.ഡി.ജെ.എസ് നിയോജക മണ്ഡലം പ്രസിഡന്റ് പി ഗണേശന്‍, ബി.ജെ.പി കള്ളാര്‍ പഞ്ചായത്ത് പ്രസിഡന്റ് കെ.വി മാത്യു , കര്‍ഷകമോര്‍ച്ച മണ്ഡലം ജനറല്‍ സെക്രട്ടറി ആര്‍ സൂര്യനാരായണ ഭട്ട്, പഞ്ചായത്ത് പ്രസിഡന്റ് വി.കൃഷ്ണന്‍കുട്ടി നായര്‍, ജനറല്‍ സെക്രട്ടറി ജയലാല്‍, ഒബിസി മോര്‍ച്ച മണ്ഡലം വൈസ് പ്രസിഡന്റ് രവിപുല്ലുമല,യുവമോര്‍ച്ച പഞ്ചായത്ത് പ്രസിഡന്റ് കെ.എന്‍ രതീഷ് എന്നിവര്‍ സംസാരിച്ചു.പഞ്ചായത്ത് ജനറല്‍ സെക്രട്ടറി എം.കെ സുരേഷ് സ്വാഗതവും, സെക്രട്ടറി ഭാസ്‌ക്കരന്‍ കാപ്പിത്തോട്ടം നന്ദിയും പറഞ്ഞു. സമാധിയായ എടനീര്‍മഠാധിപതി കേശ വാനന്ദ ഭാരതി സ്വാമികളുടെ വിയോഗത്തില്‍ യോഗം അനുശോചനം രേഖപ്പെടുത്തി.
